რატომ უნდა იმკურნალოთ ჩვენთან

რატომ უნდა იმკურნალოთ ჩვენთან
2019-04-22

პროფ. ო. ღუდუშაურის სახელობის სამედიცინო ცენტრი წარმოადგენს მრავალპროფილურ საავადმყოფოს და გთავაზობთ, უპრეცენდენტო რაოდენობის, 100-ზე მეტი დასახელების სამედიცინო მომსახურებას. სწორედ ამიტომ პაციენტი ჩვენთან მოხვედრისას დაზღვეულია რიგი გაუთვალისწინებელი შემთხვევებისგან, რაც ხშირ შემთხვევაში სიცოცხლისთვის გადამწყვეტ ფაქტორს წარმოადგენს. ჩვენს კლინიკას ხშირად სტუმრობენ სხვადასხვა დარგის უცხოელი ექსპერტები, რომლებიც უმაღლეს შეფასებას გვაძლევენ. სტაციონარი აღჭურვილია თანამედროვე ტექნოლოგიებითა და მაღალკვალიფიციური, გამოცდილი, სანდო სამედიცინო პერსონალით.

 

კლინიკა ღირსეულად ატარებს ქვეყნის ერთ-ერთი წამყვანი სამედიცინო დაწესებულების სახელს, რომელიც ემსახურება საქართველოს მოსახლეობა,ხოლო საჭიროების შემთხვევაში უცხოელ სტუმრებს.გარდა ამისა კლინიკას ყველა რესურსი აქვს სტიქიური და საომარი კატაკლიზმების დროს რამოდენიმე საათში გადაკეთდეს სამხედრო რეჟიმის ჰოსპიტლად( ამის ნათელი დადასტურებაა 2008 წლის აგვისტოს საომარი მოქმედების დროს ესც-ს წვლილი დაზარალებული მშვიდობიანი მოსახლეობისა და სამხედრო მოსამსახურეების სამედიცინო მომსახურების ფარგლებში). ჩვენთან არც ერთი შემთხვევა არ რჩება უყურადღებოდ და დიაგნოზირების პროცესში კლინიკის მედ პერსონალის დიდი ნაწილია ჩართული, მათ შორის არიან ადმინისტრაციის წარმომადგენლები. იმ შემთხვევისთვის, თუ ზუსტი დიაგნოზის დასმა ვერ ხერხდება ან მკურნალობა უშედეგოა იმართება კონსილიუმი და შემდეგ უკვე იქ ხდება ამ შემთხვევის განხილვა, რაც მეტად მნიშვნელოვანი ფაქტორია მკურნალობის გაგრძელების პროცესში. პაციენტი იმყოფება მუდმივი მონიტორინგის ქვეეშ და სრულად ფლობს ინფორმაციას თავისი გამოკვლევების და მკურნალობის შესახებ.

 

 

პაციენტი გადაუდებელი დახმარების განყოფილებაში შემოსვლისას შემდეგ გზას გადის:

მნიშვნელოვანია ის გარემოებაც, რომ პაციენტის მკურნალობა ჩვენთან შემოსვლიდან-გაწერამდე უწყვეტი ჯაჭვით მიმდინარეობს.

 

  • გადაუდებელი დახმარების განყოფილება "Emergency".
  • პაციენტის ანამნეზი (გამოკითხვა).
  • ობიექტური მონაცემების შეფასება და მომზადება კვლევებისათვის.
  • ინსტრუმენტული და მაღალტექნოლოგიური კვლევები.
  • ჩატარებული სადიაგნოსტიკო კვლევების შედეგების შეჯამება, სწორი და ადეკვატური დიაგნოზის დასმა.
  • პაციენტის გადაყვანა პროფილურ განყოფილებაში მდგომარეობის-დიაგნოზის გათვალისწინებით ან მწვავე პათოლოგიის არ არსებობის შემთხვევაში ბინაზე გაწერა.

 

  პაციენტის მკურნალობის პროცესი ამ ეტაპების გავლის შემდეგ გრძელდება მდგომარეობის მიხედვით, სხვადასხვა შესაბამის პროფილურ განყოფილებებში დიაგნოზის და მდგომარეობის გათვალისწინებით, ასევე მნიშვნელოვანია ისიც, რომ გარემო პაციენტისთვის არის მაქსიმალურად კომფორტულად მორგებული და არ უწევს არანაირი ზედმეტი ნაბიჯის გადადგმა.

 

 

 

 

 

 

 

რადგანაც გაუთვალისწინებელი შემთხვევებისგან დაზღვეული არავინაა, სწორედ ამიტომ კლინიკაში ფუნქციონირებს სისხლის ბანკი და სხვა ბევრი ისეთი განყოფილება, რომელიც უზრუნველყოფს ნებისმიერი სახის გართულების დროულ მოგვარებას.

ღუდუშაურის კლინიკაში ჩატარდა არა ერთი ურთულესი ოპერაცია, რომლის ჩატარებაზეც ბევრმა უცხოელმა ექსპერტმა უარი თქვა. ჩვენი მიზანი საკუთარი შესაძლებლობების ფართო მასებისთვის მიწოდებაა და გვინდა ვუთხრათ ყველას, რომ ხარისხიანი მკურნალობა შესაძლებელია საქართველოშიც, კერძოდ კი პროფ. ო. ღუდუშაურის სახელობის სამედიცინო ცენტრში. ამისი უამრავი მაგალითი არსებობს და მაგალითად მოგვყავს ქვემოთ მოცემული ვიდეო მასალები. უფრო მეტი ვიდეო მასალის სანახად ეწვიეთ გალერეის გვერდს.

 

 

 

 

 

 

©2019: ყველა საავტორო უფლება დაცულია